Has era ti in Mirer?

Rudolf Mirer (1937-2025) è stà senza dubi in dals pli populars artists grischuns dals davos decennis. Quasi en mintga segunda abitaziun ed en mintga tipica ustaria grischuna penda insanua in «Mirer», in maletg dal graficher-artist ch’ha vivì var 30 onns en Engiadina e dapi ils onns ‘90 a Sursaissa. Dumengia passada è el mort nunspetgadamain en consequenza dad in’attatga dal cor, en la vegliadetgna dad 87 onns. Noss collega Augustin Beeli ha dà in sguard sin vita ed ovra da Rudolf Mirer.

Tge èsi atgnamain cun NalpSolar?

Sas ti anc tge ch’era il pled da l’onn 2023? – Bravo, il Solarexpress!Bleras ovras d’energia e vischnancas grischunas han empruvà ils davos dus onns da siglir sin quel tren solar. Per il mument èn anc en la cursa intgins singuls projects tranter Tujetsch e Scuol per pudair recaltgar las subvenziuns federalas. In da quels projects è NalpSolar, sper il lai da fermada a Nalps sisum la Surselva. Ma la purtadra da quel project  – l’intepresa Axpo – sto festinar ussa. La FMR ha dumandà suenter il stand dal project.

Enconuschas ti «Iso-Star»?

La columnista dad oz preschenta la pli nova publicaziun dad «Iso-Star». Tge, ti na sas betg tgi che quai è? Lura be dai, legia il text da Rita Cathomas-Bearth davart ina persunalitad rumantscha ch’ha adina gì «il gust da savair e dar enavant».