Lectura Rumantscha
FMR
Da Genevra a Scuol
Ella viva da l’autra vart da la Svizra, ma è tuttina fitg datiers al Grischun. Denise Mützenberg da Genevra ha cumenzà grazia a ses consort ad amar la lingua e la litteratura rumantscha. Ella ha schizunt scrit texts rumantschs ed edì numerus cudeschs rumantschs, surtut da giuvnas auturas. Ussa vegn ella onurada per ses merits per la litteratura rumantscha al festival Schmolitz a Scuol.
Bler fim e trais blessads a Breil
Mesemna cunter saira ha ina u l’auter vischin da Breil segir piglià tema: In ferm fim aveva stgirentà il vitg. L’app d’avertiment Alertswiss ha schizunt tramess in alarm da serrar las fanestras. In di suenter l’incendi d’ina chasa e d’in clavà cun trais blessads han ils pumpiers ditg envers la FMR ch’els sajan stads spert al lieu. Lecturs rapportan il cuntrari.
37 – il resultat da la fortuna
La musicista Bibi Vaplan fa suenter popcorn ussa nectar sin la glina. Ses nov program multifar cumpiglia ina retscha da concerts, ma er ina novella fantastica cun il titel «Nektarmond 37/Glüna nectar 37». Uschè bler saja tradì dal nov program: La cifra 37 è il resultat da la furmla magica da la fortuna.
Da nov fai nov a Mustér
Atgnamain han ils vegls bajetgs normalmain da basegn da vegnir sanads l’emprim, ma a Mustér è quai auter. Là fa la veglia chasa da scola erigida l’onn 1952 ina buna parita. La nova scola da l’onn 1980 è percunter en in nausch stadi. Ella sto vegnir sanada. Quai custa dentant dapli che construir gist ina nova chasa scola, uschia ch’in resch nov edifizi pudess bainbaud far concurrenza a la scola vegliandra.
A revair e bun divertiment cun la Lectura Rumantscha!
Gust da leger dapli?