Exposiziun progets Scoula Scuol+
Il cumün da Scuol invida als 24 da schner ad üna exposiziun dals progets architectonics entrats per il proget Scoula Scuol+. Scuol vaiva davo la fusiun dals cumüns decis da fabrichar nouvs stabilimaints per la scoula sün l’areal da la scoula actuala a Scuol. L’on passà vaiva il cumün scrit oura üna concurrenza architectonica, per quella sun entrats ündesch progets.
Quels vegnan uossa exposts publicamaing. Eir il proget «Flurina e Mauro» d’üna cooperaziun da differents büros d’architectura chi ha guadagnà la concurrenza as poja contemplar là. Pro l’avertüra quist venderdi saran tenor la comunicaziun dal cumün preschaints eir rapreschantants da quel e da la giuria. (cdm/fmr)
L’avertüra da l’exposiziun es in venderdi, ils 24 da schner, a partir da las 18.30 ill’aula da la scoula a Scuol.
Gust da leger dapli?