Festa norvegiaisa in Engiadin’Ota

Las atlets ed ils atlets norvegiais haun darcho domino la cuorsa da passlung i’l stil classic La Diagonela. Sül podest dals homens sun Amud Riege, avaunt Johan Hoel ed Amund Hoel. Tar las duonnas gudagna Silje Oyre Slind avaunt Emilie Fleten ed Anikken Gjerde Alnaes. Il pü svelt indigen es sto Curdin Räz da Segl chi’d es gnieu 73evel. Fingià pella 12 vouta es gnida organiseda in Engiadin’Ota la cuorsa da passlung i’l stil classic La Diagonela. Pervia da la pocha naiv han ils organisatuors stuvieu scurznir la cuorsa rojela da 55 kilometers sün 43 kilometers. Istess ho que do tenor ils organisatuors üna forza fich cumpetitiva cun las Norvegiaisas e Norvegiais a la testa. (rtr/fmr)