Maturandas e maturands presentan lur lavurs

Venderdis, ils 24 da schaner 2025 presentan siat maturandas e maturands lur lavurs da matura al gimnasi dalla claustra da Mustér. Persunas che vulan assister a quellas presentaziuns a bucca duessen esser allas 18.45 el gimnasi, las presentaziuns en pliras stanzas entscheivan allas 19.00. Siat scolaras e scolars dil gimnasi presentan lur lavurs da matura: Lya Berni, Aaron Lutz, Ismael Klaiss, Sina Casanova, Amélie Rothmund, Nico Carigiet e Mattiu Tschuor. Mintga presentaziun cuoza rodund 15 minutas, silsuenter vegn dau la pusseivladad da tschentar damondas duront diesch minutas. Sco quei ch’ils reponsabels dil gimnasi scrivan el program, vegn la presentaziun terminada cun in apero allas 20.30 ella halla dalla scola. (fmr/hh)