Tuot es pront pella coppa mundiela da passlung

Da nouv es eir la regiun da l’Engiadin’Ota i’l chalender da la coppa mundiela da passlung. A Silvaplauna haun lö quista fin d’eivna güsta trais cuorsas, nempe üna stafetta, cuorsas da sprint e cuorsas da distanza cun partenza da massa.

Duos dis aunz cha’ls meglders passlunghists e las megldras passlunghistas s’inscuntran sülla loipa in Engiadin’Ota, es l’infrastructura pronta. Adonta cha que vain auncha lavuro intensivmaing vi da singuls detagls, sun las tribünas, las differentas tendas e las saivs traunter la zona da partenza ed il public montedas. Eir la loipa es già in funcziun. Quella d’eira gnida fatta già aunz Nadel, uscheja ch’eir il public ho pudieu fer passlung sün quella loipa.