Il District da cant s’entaupa a Sumvitg

L’jamna vargada ha il District da cant Surselva (DCS) tarmess als chors-commembers in avis en vesta alla proxima radunonza da delegai. Quella ei venderdis, ils 14 da mars 2025 en casa da scola a Sumvitg. Sco quei ch’il president René Buchli scriva egl invit, ein las elecziuns el center dalla radunonza. Per saver luvrar vinavon e menar vinavon il DCS sco uniun tetgala sursilvana, drovi ei fatschas novas. En tut sto la radunonza eleger da niev duas persunas per la suprastonza e duas per la cumissiun da musica. L’alternativa seigi da sligiar il DCS e d’integrar quel ell’Uniun cantunala da cant, ina tala incorporaziun veglien ins evitar, aschia il president René Buchli. Perquei supplicheschi el da collaborar e da s’engaschar per ch’ei gartegi d’anflar quater fatschas novas, scriva il president en sia circulara als chors-commembers.(fmr/abc)