Inscunter rumantsch a Turitg

Mesemna, ils 5 da favrer ha lieu a las 19.15 a Turitg in inscunter interrumantsch, organisà da l’Uniun da las Rumantschas e dals Rumantschs en la Bassa (URB). Ils giasts da la sairada en la sala polivalenta da l’Interpresa Schaub Maler AG en la Hofackerstrasse 33 èn Bernard Cathomas e Chasper Pult. «Ein Weg zur Einheit in der Vielfalt / Plädoyer für Rumantsch Grischun» è il titel dal cudesch che Bernard Cathomas ha publitgà da l’onn 2023. «L’autur vegn a preleger quella saira intginas passaschas ed ensemen cun Chasper Pult (president da la Lia Rumantscha 1992-96) discutan els ils ups and downs da questa experientscha, durant pli che quatter decennis», scriva l’URB en l’infurmaziun davart l’inscunter interrumantsch, «els vegnan era a preschentar la situaziun actuala ed a far ponderaziuns davart las perspectivas dal rumantsch grischun.» Suenter porschan las organisaturas ed organisaturs in puschegn: «Tar in bun sitg datti er temp e peda per buns discurs.» (cdm/fmr)