Grischalottas amiez il tscheiver

Las musicas da tscheiver ein actualmein en cumpleina febra. Aschia era las Grischalottas. Dapi ils 11-11-2024, la data iniziala dil tscheiver, ei la suletta gugga dalla Foppa stada en acziun gia differentas gadas. Suenter il culp inizial a Domat ei la gruppa separticipada ils 16 da november al barlot d’entschatta a Sedrun. Suenter miez schaner eis ella separticipada al tscheiver a Danis e sonda vargada han trumpettas e paucas resunau a Breil. Sonda proxima, igl 1 da fevrer 2025, ei il tscheiver a Vrin ed ins vegn ad entupar las Grischalottas entadem la Lumnezia. Il tscheiver a Vrin entscheiva il suentermiezgi allas 13.30 cul til tradiziunal e ball d’affons en halla dalla casa da scola. Allas 19.30 ei il ball da mascras dils carschi, da mesanotg suonda la premiaziun dallas pli bialas mascaradas. Duas jamnas suenter il termin a Vrin, ils 15 da fevrer, sgolan ils confettis lu a Glion.(fmr/abc)