Masüras da trafic main charas co tmü

Las masüras da trafic dal Grischun, pels gös olimpics a Milano Cortina, han cuostü damain co ils 5,5 milliuns francs planisats. Quai ha dit la cusgliera guvernativa Carmelia Maissen dürant la sessiun da prümavaira dal Grond cussagl. Quant precis cha quistas masüras per evitar grondas colonnas han cuostü nun ha ella amo pudü dir – cha quai gnia evaluà dürant il mais mai. Be alch ha la cusgliera guvernativa istess pudü tradir: «Il motiv per damain cuosts es cha nos concept da trafic es gnü adattà dürant l’evenimaint, per exaimpel es ün dals parcadis a Zernez gnü serrà.» Scha l’Italia as partecipescha als cuosts nun es, sco cha Carmelia Maissen ha infuormà, «amo adüna na cler».