Mesiras da traffic main charas che spetgà

Las mesiras da traffic dal Grischun, per ils gieus olimpics a Milano Cortina, han custà damain che ils 5,5 milliuns francs planisads. Quai ha ditg la cussegliera guvernativa Carmelia Maissen durant la sessiun da primavaira dal Cussegl grond. Quant precis che questas mesiras per evitar grondas colonnas da vehichels han custà n’ha ella anc betg pudì dir – che quai vegnia evaluà durant il mais matg. Be insatge ha la cussegliera guvernativa tuttina pudì tradir: «Il motiv per damain custs è che noss concept da trafic è vegnì adattà durant l’eveniment, per exempel è in dals parcadis a Zernez vegnì serrà.» Sche l’Italia sa participescha als custs n’è, sco che Carmelia Maissen ha infurmà, «anc adina betg bler cler».