Prelecziun our dal roman «Tschiera»

In venderdi, ils 24 schner legia l’autura Flurina Badel illa Baselgia San Niclà a Strada our da seis roman «Tschiera». Il roman tematisescha la mancanza da spazi da viver per glieud indigena a man da duos caracters: Aita, chi viva a Vienna, e chi sto davo la mort da sia mamma decider che chi capita culla chasa paterna iertada. E Luis, chi maina la butia in cumün ed as dosta cunter la vendita totala da seis cumün. Il professer per litteratura rumantscha Rico Valär ha descrit il roman «Tschiera» sco «spejel litterar intelligiaint, substanzial e necessari dals svilups socials, culturals ed economics». La prelecziun vain moderada da Nadina Derungs, manadra da la Chasa Editura Rumantscha ed accumpagnada cun musica da Bigna Guler. (cdm/fmr)