La 17avla cuorsa da scarsolas e sliusas ei sin rucca

La via da meglieraziun e forestala da Mumpé Medel en direcziun Stagias e Pazzola survescha igl unviern sco via da scursalar. Leu prepara l’Uniun da scursalar e spassegiar Mumpé Medel ina pista che vegn nezegiada stediamein. Il punct culminont digl unviern ei allura mintgamai la cuorsa da scarsolas e sliusas da corns. Dumengia, ils 26 da schaner 2025 vegn quella purschida per la 17avla ga. La partenza dalla cuorsa ei allas 11.30 a Val da Runs. Dil vitg da Mumpé Medel ei la partenza contonschibla a pei en rodund 40 minutas. Las organisaturas ed ils organisaturs porschan categorias d’affons, umens e dunnas sco era ina separada per sliusas da corns. Sco l’uniun scriva en ina circulara ei la rangaziun dalla cuorsa previda allas 14.30 all’arrivada el vitg. La sonda vegn purschiu allas 17.00 in transport dallas sliusas da Mumpé Medel entochen alla patenza. (fmr/hh)