Referat an memorgia da Johannes Barandun

Suainter igl cànt cuminevel da s. Silvester a suainter igl conzert da Biemàn da la Musica instrumentala da Givòlta segl Plaz vischnànca organisescha la Pro Feldis egn referat cun ­Gieri Battaglia. El raquenta a màn da blears maletgs da las misiergias da bleara glieud basignusa ca viveva igl 18avel a 19avel tschantaner an las vischnàncas da muntogna. Melis da Grischùns emigravan alura agl easter par tschartgear là lur furtuna. Igl egns en rastos par adigna. Oters schevan ancrescher ad en turnos.

Egn da quels e Johannes Barandun da Veulden c’e sto sfurzo da bandunar sia patria cun me 13 ons. Tut sulet e’l ieu a pe da Veulden an Fràntscha. Gl’amprem â’l sarandieu a Strassburg ad alura e’l ieu anavànt a Paris. Tge c’el â fatg là a sch’el e davanto bagnstànt andrieschan igls auditurs a caschùn digls referats digls 30 da schaner a digls 7 da favrer, c’ân liac a las 17.00 an tgea da scola. L’antrada e libra. (fmr/bt)